مقاوەمەی ئیسلامی بەرپرسیارێتی هێرشەکانی سەر بنکەی هەریر و بنکەی عەین ئەسەدی گرتە ئەستۆ

2023-12-06   |  
فۆتۆ: 
کوردسات نیوز
ئەمڕۆ بنکەی سەربازی ھەریر لە ھەولێر و دوو جار بنکەی سەربازی "عەین ئەسەد" تایبەت بە ھێزەکانی ئەمریکا لە ئەنبار بە فڕۆکەیەکی بێفڕۆکەوان کرانە ئامانج.

بنکەی سەربازی ھەریر بە دوو فڕۆکەی بێفڕۆکەوان کراوەتە ئامانج و دواتریش دوو جار لە  ڕێگەی فڕۆکەیەکی بێفڕۆکەوانەوە بنکەی سەربازی عەین ئەسەد کە ھێزەکانی ئەمریکای تێدایە لە ئەنبار کرایە ئامانج.

گروپی مقاوەمەی ئیسلامیش بەرپرسیارێتی ئەو ھێرشانەی گرتە ئەستۆ و رایگەیاند، ئەو ھێرشانە وەڵامێکە بۆ ئەو تاوانانەی بەرامبەر بە فەڵەستینییەکان لە کەرتی غەززە دەکرێت.

وەزارەتی دەرەوەی ئەمریکا پنتاگۆن رایگەیاند، لە دوای دەستپێکردنی شەڕی ئیسرائیل و حەماس زیاتر لە ٧٥ جار ھێرشکراوەتەوە سەر ھێزەکانیان لە عێراق و سوریا و بەوھۆیەوە ٦٢ کەس برینداربوون.