دەستەی دەروازە سنوورییەکانی عێراق لێدوانی ئەندامێکی ئەنجومەنی نوێنەران رەتدەکاتەوە

2023-12-01   |  
فۆتۆ: 
کوردسات نیوز
دەستەی دەروازە سنوورییەکانی عێراق لێدوانی ئەندامێکی ئەنجومەنی نوێنەران رەتدەکاتەوە، لەبارەی پووچەڵکردنەوەی ھەوڵی بەقاچبردنی چەکی ئەمریکی بۆ ھەرێمی کوردستان.

دەستەی دەروازە سنووریەکانی عێراق لە راگەیەنراوێکدا بڵاویکردەوە، لە دەروازە سنوورییەکانی عێراق لیژنەیەکی باڵا پشکنین بۆ ئەو بارھەڵگرانە دەکات، کە ھاتوچۆ بە دەروازە سنوورییەکاندا دەکەن و ھەر بارھەڵگرێک مەترسیداربێت رێگە بە تێپەڕبوونی نادرێت.

ئەوەشی خستەڕوو، ئەو بارھەڵگرەی باسی لێودەکرێت لە بەندەری ئوم قەسر، چەکی ئەمریکی بۆ ھەرێم رەوانەکردووە، دوای پشکنین دەرکەوتووە، بارھەڵگرەکە چەکی بارکردووە و سەربە وەزارەتی بەرگری بووە، بە بڕیاری دادوەر رێگە بە تێپەڕبوونی نەدراوە و گەڕێندراوەتەوە بۆ بەندەرەکە، راشیگەیاند، رێوشوێنی یاسایی بەرامبەر دەنگۆیانە دەگرنەبەر دژیان بڵاوکراوەتەوە.

ئەوەش لەکاتێکدایە، پێشتر، عالیە نوسێف ئەندامی ئەنجومەنی نوێنەرانی عێراق، ھەولێک بۆ بەقاچاخبردنی چەکی ئەمەریکی بۆ ھەرێمی کوردستان پووچەڵکراوتەوە، کە بە پاساوی ماددەی کیمیایی ھەوڵیانداوە لە بەندەری ئوم قەسرەوە بۆ ھەرێم ڕەوانەی بکەن.