سەرۆککۆمارلەگەڵ وەفدێکی بزووتنەوەی دیموکراسی ئاشووری کۆبووەوە

2023-09-20   |  
فۆتۆ: 
کوردسات نیوز
د.لەتیف ڕەشید، سەرۆککۆماری عێراق لەگەڵ وەفدێکی بزووتنەوەی دیموکراسی ئاشووری بە سەرۆکایەتی یاقوب گۆرگیس ئەمینداری گشتی کۆبووەوە و تاوتوێ پێکەوەژیانی ئاشتیانە لە نێوان هەموو پێکهاتەکان کرد.

لە میانی کۆبوونەوەکەدا باس لە بارودۆخی گشتی وڵات و گرنگی پێشخستنی پێکەوەژیانی ئاشتیانە لە نێوان هەموو پێکهاتەی کۆمەڵگەی عێراقدا کرا، بەو پێیەی  دەستپێکە بۆ چەسپاندنی ئاسایش و سەقامگیری وڵات.

هەروەها سەرۆککۆمار ستایشی ئەو قوربانیدان و بەرگریکردنەی کریستیانەکانی کرد لە عێراق دژی  باندە تیرۆریستییەکان و پابەندبوونیان بە ناسنامەی نیشتمانی و دەستەبەرکردنی بەشداریی ڕاستەقینەیان لە ژیانی سیاسی و کۆمەڵایەتی و ڕۆشنبیری و هەروەها ڕۆڵی ئەو پێکهاتە و بەشدارییە کاریگەرەکانییان لە بونیادنان و پەرەپێدانی بەرهەمە کەلتوری و فیکرییەکانی  کۆمەڵگای عێراقی بەرزنرخاند .


 زۆرترین خوێندراو