سەرۆکوەزیرانی عێراق لەگەڵ یاریدەدەری وەزیری گەنجینەی ئەمریکا کۆبووەوە

2023-09-13   |  
فۆتۆ: 
کوردسات نیوز
وەفدێکی باڵای وەزارەتی گەنجینەی ئەمریکا لەگەڵ سەرۆکوەزیران و پارێزگاری بانکی ناوەندی عێراق کۆبووەوە.

بەپێی راگەیەندراوێکی نووسینگەی، محەمەد شیاع سودانی سەرۆکوەزیرانی عێراق لە بەغداد لەگەڵ وەفدێکی ئەمریکا بە سەرۆکایەتی ئەلیزابێس رۆزنبێرگ یاریدەدەری وەزیری گەنجینەی ئەو وڵاتە کۆبووەتەوە و باسیان لە پرسە داراییەکانی نێوانیان کردوە بەتایبەتیش رێوشوێنەکانی حکومەتی عێراق بۆ چاکسازی لە بواری دارایی و بانکەکان و سودانیش وتوویەتی، ئەو چاکسازییە جگە لەوەی سودی زۆری بۆ بواری ئابووری دەبێت، ھۆکارێکی سەرەکیشە بۆ رێگکرتن لە سپیکردنەوەی پارە.

نووسینگەی راگەیاندنی بانکی ناوەندیی عێراقیش ئاماژەی بەوە کردووە، وەفدەکەی وەزارەتی گەنجینەی ئەمریکا لەگەڵ عەلی عەلاق پارێزگاری بانکی ناوەندی عێراق کۆبووەوە و تەوەری سەرەکی گفتوگۆکانی نێوانیشیان چۆنێتی رێگریکردن بووە لە سپیکردنەوەی پارە و سەرچاوە داراییەکانی تیرۆر.

 


 زۆرترین خوێندراو