د. لەتیف ڕەشید پێشوازی لە نێردەی تایبەتی سەرۆککۆماری تورکیا بۆ کاروباری ئاو دەکات

2023-08-30   |  
فۆتۆ: 
کوردسات نیوز
د.لەتیف رەشید، سەرۆککۆماری عێراق لە کۆشکی بەغداد پێشوازیکرد لە فەیسەڵ ئیرئۆغڵۆ نێردەی تایبەتی سەرۆک کۆماری تورکیا بۆ کاروباری ئاو و رایگەیاند، عێراق بەھۆی دۆسییەی ئاوەوە بەدەست کێشەیەکی گەورەوە دەناڵێنێت.

لە دیدارەکەدا، سەرۆککۆماری عێراق رایگەیاند، پەیوەندییەکانی نێوان ھەردوو وڵات پتەوە و کێشەکانی پەیوەست بە دۆخی ئاو دەتوانرێت چارەسەربکرێن، بەڵام پێویستیان بە بڕیاری جددی ھەیە تا کار بۆ جێبەجێکردنیان بکرێت. وتیشی، عێراق بە چڕی کاردەکات بۆ باشترکردنی بەڕێوەبردنی ئاو لە سەرانسەری وڵاتدا.

سەرۆککۆمار ئاماژەی بەوەشدا، عێراق لە ھەوڵی گەیشتن بە رێککەوتنە لەگەڵ تورکیا سەبارەت بە پشکی ئاو

لە کۆتایی دیدارەکەدا، نێردەی تایبەتی سەرۆکی تورکیا، ڕاپۆرتێکی وردی دەربارەی ئەو کار و پڕۆژانە پێشکەشکرد کە لایەنی تورکی دەتوانێت لە بواری ھاریکاری لەگەڵ عێراقدا ئەنجامی بدات لە دۆسییەی ئاو.