سەرۆککۆمار پێشوازی لە باڵیۆزی تورکیا دەکات

2023-07-27   |  
فۆتۆ: 
کوردسات نیوز
سەرۆک کۆماردکتۆر لەتیف جەمال ڕەشید ئەمڕۆ پێنجشەممە ٢٧-٧-٢٠٢٣ لە کۆشکی بەغداد، پێشوازیکرد لە باڵیۆزی کۆماری تورکیا لە عێراق بەڕێز عەلی ڕەزا کۆنای.

لە میانی دیدارەکەدا، سەرۆک کۆمار دوپاتیکردەوە لە گرنگی پتەوکردنی پەیوەندییەکان و کاری ھاوبەشی نێوان ھەردوو وڵات بۆ پەرەپێدانی ھاریکاری لە بوارە جیاجیاکاندا بەتایبەتی بواری ئابووری و بازرگانی و دۆسیەی ئاو، بەشێوەیەک کە زامنی بەدیھێنانی بەرژەوەندییە ھاوبەشەکان بکات لەڕێگەی ڕێککەوتنی دووقۆڵی و یاداشتنامەی لێکتێگەیشتن لەم بارەیەوە.

لای خۆیەوە باڵیۆز تورکیا، پاڵپشتی تورکیای بۆ ئاسایش و سەقامگیری عێراق و خۆشگوزەرانی گەلەکەی دوپاتکردەوە، ھەروەھا جەختی لەخواستی وڵاتەکەی بۆ پەرەپێدانی پەیوەندییەکان لە بوارە جیاجیاکاندا کردەوە.

 


 زۆرترین خوێندراو