د. لەتیف ڕەشید لەگەڵ باڵیۆزی کوەیت لە عێراق کۆبووەوە

2023-07-23   |  
فۆتۆ: 
کوردسات نیوز
د.لەتیف ڕەشید، سەرۆککۆماری عێراق لەگەڵ تاریق عەبدوڵا فەرەج باڵیۆزی کوەیت لە عێراق کۆبووەوە و پەیوەندییەکانی نێوان ھەردوو وڵاتیان تاوتوێکرد.

لە کۆبوونەوەکەدا سەرۆککۆمار جەختی لە گرنگی پەیوەندییەکانی نێوان ھەردوو وڵاتی برا کردەوە.

ھەروەھا دوپات لە گرنگی ھەماھەنگی و ڕاوێژکردن و ئاڵوگۆڕکردنی بیروڕا لە نێوان ھەردوولا کرایەوە، بۆ بەھێزکردنی ھاریکارییە دوو قۆڵییەکان و چارەسەرکردنی کێشە ھەڵپەسێردراوەکان، لەو چوارچێوەیەدا باڵیۆزی کوەیت جەختی لەوە کردەوە کە وەزیری دەرەوەی کوەیت شێخ سالم عەبدوڵا ئەلجابر ئەلسەباح لە کۆتایی ئەم مانگەدا سەردانی عێراق دەکات.