لە دامەزراوەی "ڤیم" لە شاری سلێمانی پانێڵێک بۆ کونسوڵی کۆریای باشور لە ھەرێمی کوردستان ڕێکخرا.
لە پانێڵەکەدا ھەریەک لە (بافڵ تاڵەبانی) ھاوسەرۆکی یەکێتی نیشتمانی کوردستان و ژمارەیەک لە ھونەرمەندان و ڕۆشنبیرانی شارەکە ئامادەبوون.
ھاوکات لە ھۆڵی دامەزراوەی "ڤیم" لە شاری سلێمانی پانێڵێکی میوزیک بۆ (چۆی کوانژین) کونسوڵی گشتی کۆریای باشور لە ھەرێمی کوردستان و (توانا حەمە) شارەزای بواری میوزیک بە ناونیشانی (پێگەی میوزیک لە پەیوەندییەکانی دەرەوە) بەڕێوەچوو.