ئەمریکا و ئەڵمانیا تانک و زرێپۆشی سەربازی ڕادەستی ئۆکراین دەکەن

2023-01-25   |  
فۆتۆ: 
شۆرش
ئەمریکا و ئەڵمانیا تانک و زرێپۆشی سەربازی ڕادەستی ئۆکراین دەکەن.

ئاژانسی ھەواڵی رۆیتەز لە زاری دوو سەرچاوەی ئاگادارەوە بڵاویکردەوە، ئەمریکا ئامادەکاری دەکات تانکی (ئێم وەن ئابرامز) رەوانەی ئۆکراین بکات و لە قۆناغی یەکەمیشدا ٣٠ تانک دەداتە کێیڤ.

ئاماژە بەوەشکراوە،ئۆلاف شۆڵتز راوێژکاری باڵای ئەڵمانیا رەزامەندی دەربڕیووە تانکی (لیۆپارد ٢) بدەنە ئۆکراین و راشیگەیاندووە، دژایەتی ئەوە ناکەن کە پۆڵەندا ئەو جۆرە تانکە بداتە ئۆکراین.

پێشتر حکومەتی پۆڵەندا رایگەیاندبوو، وەک ھاوکاری سەربازیی، بەنیازن تانکی (لیۆپارد)ی دروستکراوی ئەڵمانیا رادەستی ئۆکراین بکەن، بۆ ئەوەش پێویستان بە رەزامەندی ئەڵمانیا ھەیە.

ئاناتۆلی ئەنتۆنۆڤ باڵیۆزی روسیا لە ئەمریکا ناڕەزایی وڵاتەکەی بەرامبەر ئەو بڕیارەی واشنتۆن و بەرلین دەربڕی و رایگەیاند، پێدانی تانک و کەلوپەلی سەربازی بە ئۆکراین، پاڵنەر و ھاندانێکی ئاشکرای ئەو وڵاتەیە دژ بە روسیا.