سی پی جی: ساڵی رابردوو ٦٧ رۆژنامەنووس لە سەرتاسەری جیھان کوژراون

2023-01-25   |  
فۆتۆ: 
شۆرش
کوژرانی رۆژنامەنووسان لە ساڵی رابردوودا ٥٠% زیادیکردووە و زۆربەشیان لە وڵاتانی ئۆکراین و مەکسیک و ھایتی کوژراون.

کۆمیتەی پارێزگاری لە رۆژنامەنووسان (CPJ) لە راپۆرتێکدا بڵاویکردووەتەوە، ساڵی ٢٠٢٢ لانیکەم ٦٧ رۆژنامەنووس و پەیامنێر لە سەرتاسەری جیھان کوژراون و ئەوەش بەرزترین ئاماری کوژرانی رۆژنامەنووسانە کە لە ساڵی ٢٠١٨ەوە تۆمار کراوە.

ئاماژەی بەوەشکردووە، زیاتر لە نیوەی ئەو ئامارە کە دەکاتە ٣٥ رۆژنامەنووس لە وڵاتانی ئۆکراین و مەکسیک و ھایتی کوژراون.

سی پی جی راشیگەیاندووە، لە کۆی ئەو ٦٧ رۆژنامەنووسە، کوژرانی ٤١ کەسیان پەیوەندی راستەخۆی بە ئەرک و پیشەکەیان ھەبووە و لێکۆڵینەوەش لە ھۆکاری کوژرانی ئەو ٢٦ رۆژنامەنووسەی دیکە بەردەوامە.