ئێران: پشتیوانی ھیچ لایەنێکی شەڕی روسیا و ئۆکراین نەبووین

2023-01-24   |  
فۆتۆ: 
هەژار
لێپرسراوێکی باڵای ئێران دەڵێت ھیچ کاتێک لەگەڵ شەڕی ئۆکرایندا نەبوون و پشتیوانی ھیچ لایەنێکیشیان نەکردووە.

عەلی رەزا عینایەتی بەڕێوەبەری گشتی ناوچەی کەنداو لە وەزارەتی دەرەوەی ئێران بە ئاژانسی ئیرنای رەسمی راگەیاندوە، لە چوارچێوەی دیدار و کۆبوونەوەکانیان لەگەڵ لێپرسراوانی باڵای ھەندێک لە وڵاتانی کەنداو، ھەڵوێستی ئێرانیان لەبارەی شەڕی ئۆکراین رونکردووەتەوە کە لەسەرەتاوە تائێستاش لە دژی ئەو شەڕە بوون و پشتیوانی ھیچ لایەنێکیشیان نەکردووە و بێلایەن بوون.

وتیشی، ئێران ھەمیشە لەگەڵ بژاردەی شەڕدا نەبووە و پێی وابووە ھیچ کاتێک شەڕ کێشە و قەیرانەکانی چارەسەر نەکردووە و ئامادەشن لەگەڵ ئۆکراین گفتوگۆ بکەن بۆئەوەی لە نزیکەی ئاگاداری ھەڵوێستی ئێران بن، کە ھیوادارە کێشە و ئاڵۆزییەکانی لەگەڵ روسیا بە زوترین کات چارەسەر بکرێن.