ناوەڕاستی ھەفتەی داھاتوو شەپۆلێکی بارانبارین ھەرێمی کوردستان دەگرێتەوە.
دەستەی کەشناسیی عێراق رایگەیاند، رۆژی شەممە و یەکشەممە ئاسمانی ناوچەکانی ھەرێمی کوردستان ساماڵ و پەڵە ھەور دەبێت و پلەکانی گەرماش بە جێگیری دەمێننەوە، بەڵام لە رۆژی دووشەممەوە نمە باران لە ناوچەکانی ھەرێم دەستپێدەکات و دواتر دەگۆڕیت بۆ بارانی مامناوەند.
راشیگەیاند، بۆ رۆژی سێشەممەش پێشبینی بارانبارین لە ناوچەکانی ھەرێمی کوردستان و دابەزینی پلەکانی گەرماش دەکەن.