لە ھەولێر ئەفسەرێکی پۆلیسی نەوت و گاز کوژرا
2022-12-09
|
کوردسات نیوز
لە ھەولێر ئەفسەرێکی پۆلیسی نەوت و گاز کوژرا و پۆلیسیش دەڵێت لێکۆڵینەوە لەرووداوەکە دەکەن.
بەڕێوەبەرایەتی پۆلیسی پارێزگای ھەولێر لە ڕونکردنەوەیەکدا ئاماژەی بەوە کردووە، دوای ئاگادارکردنەوەیان لە حاڵەتێکی کوشتن لە قەزای بنەسڵاوە و لە لێکۆڵینەوە سەرەتاییەکاندا دەرکەوت کوژراوەکە ئەفسەرێکی پۆلیسی نەوت و گازە بە پلەی موقەدەم بەناوی ئەسعەد رەئوف حەمەد تەمەنی ٤٨ ساڵە و جێگری فەرماندەی فەوجە لە ھێزەکانی پاسەوانی پاڵاوگە نەوتییەکان.
راشیگەیاندوە، لێکۆڵینەوەکان لە رووداوەکە و ھەوڵەکانی پۆلیس بۆ دەستگیرکردنی تۆمەتباران دەستیپێکردووە.
|