ئەمریکا ئیدانەی بۆردومانەکەی ئێران بۆ سەر ھەرێمی کوردستان دەکات

2022-11-21   |  
فۆتۆ: 
لاڤە
فەرماندەیی ناوەندیی سوپای ئەمریکا ئیدانەی بۆردومانە مووشەکی و درۆنییەکەی شەوی رابردووی ئێران بۆ سەر ھەرێمی کوردستان دەکات و دەڵێت، سەقامگیری عێراق و خۆرھەڵاتی ناوەڕاست و ژیانی ھاووڵاتیان دەخاتە مەترسیییەوە.

ژەنەراڵ "مایکل ئیریک کوریلا" فەرماندەیی فەرماندەیی ناوەندی سوپای ئەمریکا لە راگەیەندراوێکدا ئاماژەی بەوەکردووە، ئیدانەی بۆردومانە ھەڕەمەکی و نایاساییەکانی ئێران بۆ سەر ھەرێمی کوردستان دەکەن، کە سەقامگیری عێراق و خۆرھەڵاتی ناوەڕاست دەخاتە مەترسییەوە، کە بەئەستەم ئەو سەقامگیرییە بەدەستھاتووە.

راشیگەیاند، ئەو بۆردومانانە ژیانی مەدەنییەکان دەخاتە مەترسییەوە و پێشێلکارییە بۆ سەر سەروەری عێراق.