حسێن ئەمیر عەبدوڵاھیان وەزیری دەرەوەی ئێران دەڵێت، دەستدرێژی لایەنە ئۆپۆزسیۆنەکانی ئێران لە ھەرێمی کوردستانەوە قبوڵ ناکەن.
حسێن ئەمیر عەبدوڵاھیان وەزیری دەرەوەی ئێران و فوئاد حسێن وەزیری دەرەوەی عێراق پەیوەندیەکی تەلەفۆنییان ئەنجامدا و دوایین پێشھاتەکانی ھەردوو وڵاتیان تاوتوێ کرد.
لەو پەیوەندییەدا وەزیری دەرەوەی ئێران رایگەیاندووە، دوای چوار دەیە و سەرباری بەڵێنی بەردەوام و پابەندی ھەرێمی کوردستان، بەڵام خاکی ھەرێم دژی ئاسایشی نەتەوەیی ئێران بەکاردەھێنرێت.
وتیشی نیگەرانن لە چالاکی و جموجۆڵەکانی گروپە نەیارەکانی ئێران کە لە ھەرێمی کوردستانن.
وەزیری دەرەوەی ئێران راشیگەیاند، تاران رێز لە پەیوەندییەکانی ھەردوو وڵات دەگرێت، بەڵام بەرگەی دەستدرێژییەکان ناگرن و ناتوانن قبوڵی بکەن.