شانەی راگەیاندنی ئەمنی عێراق، کوژرانی سەرکردەیەکی داعش و دوو پاسەوانی لە پارێزگای کەرکوک راگەیاند.
شانەی راگەیاندنی ئەمنی عێراق لە راگەیەندراوێکدا بڵاویکردەوە، ئاژانسی ھەواڵگری بە ھەماھەنگی فەرماندەیی ئۆپراسیۆنە ھاوبەشەکان لە عێراق ئۆپراسیۆنێکی تایبەتیان ئەنجامدا و لە ئاکامدا، سێ تیرۆریستی داعشیان کوشتووە، کە یەکێکیان ناوی "مەکنی ئەبو مستەفا"یە و جێگری سەربازی قاتعی کەرکوک بووە و دووانەکەی تریش یاوەری بوون. ئۆپراسیۆنەکەش لە وادی زغیتون لە پارێزگای کەرکوک ئەنجامدراوە.
شانەی راگەیاندنی ئەمنی عێراق ئاماژەی بەوەشکرد، ئۆپراسیۆنە تایبەتەکان بۆ لەناوبردنی شانە نوستووەکانی داعش و سەرکردەکانیان لە ناوچە جیاوازەکانی عێراق بەردەوامی دەبێت.