رووفاتی ئەو ١٧١ ئەنفالکراوە ماوەی سێ ساڵە لە پزیشکی دادی بەغدادن

2022-08-05   |  
فۆتۆ: 
کوردسات نیوز
٤٧ رێکخراو و نووسەر و چالاکوانی بواری جینۆساید و کەسوکاری ئەنفالکراوان، داوا لە حکومەتی ھەرێم دەکەن رووفاتی ١٧١ ئەنفالکراو بھێننەوە بۆ ھەرێمی کوردستان.

رێکخراوەکان و نووسەران و چالاکوانانی بواری جینۆساید و کەسوکاری ئەنفالکراوان لە بەیاننامەیەکدا رایانگەیاندووە، لە مانگی ئابی ساڵی ٢٠١٩ لە ئەنجامی ھەڵدانەوەی گۆڕێکی بەکۆمەڵ لە ناوچەی تەلشێخە لە شاری سەماوە لە باشوری عێراق، رووفاتی ١٧١ ئەنفالکراو ھەڵدراوەتەوە، کە سەرجەمیان ژن و منداڵبوون، بەڵام بەھۆی کەمتەرخەمی حکومەت و لایەنی پەیوەندیدارەوە، دوای سێ ساڵ رووفاتەکان لە پزیشکی دادی بەغدادەوە نەھێنرانەوە بۆ ھەرێم. 

لە بەیاننامەکەدا داواش لە سەرۆک و جێگری سەرۆکی حکومەتی ھەرێم و وەزارەتی شەھیدان و کاروباری ئەنفالکراوان دەکەن بۆ ڕۆژی ٢١ ئاب کە ساڵڕۆژی یەکەم دانیشتنی دادگاییکردنی تاوانبارانی ڕژێمی بەعسە لەسەر دۆسیەی ئەنفال و ئەو ڕۆژە بە رەسمی لە ھەرێم بە ڕۆژی دادپەروەری ناسێنراوە، لەو ڕۆژەدا رووفاتی کەسوکاریان بگەڕێنرێنەوە بۆ ھەرێمی کوردستان.