(جۆکۆ ویدۆدۆ )سەرۆکی ئیندۆنیزیا نامەیەکی ڤۆلۆدیمێر زیلینسکی سەرۆکی ئۆکراینی گەیاندە ڤلادیمێر پوتن سەرۆکی روسیا، بەبێ ئەوەی ناوەرۆکی نامەکە ئاشکرا بکات.
سەرۆکی ئیندۆنیزیا لە دیدارێکدا لەگەڵ سەرۆکی روسیا لە مۆسکۆ رایگەیاند، نامەیەکی زیلینسکی رادەستی پوتن کردووە و ئامادەیە ببێتە نێوەندگیر لە نێوان ھەردوو وڵاتدا.
جەختیشی کردەوە، ئەو کارەی ھیچ بەرژەوەندییەکی ئیندۆنیزیای تێدا نیە جگە لە راگرتنی شەڕ بە زووترین کات، داواشی لە سەرکردەکانی جیھان کرد گیانی ھەماھەنگی زیندوو بکەنەوە.
لە بەرامبەردا سەرۆکی روسیا، سوپاسی سەرۆکی ئیندۆنیزیای کرد بۆ ئەنجامدانی گفتوگۆیەکی بەرھەمدار ، جەختیشی کردەوە، رێککەوتنەکانیان دەبێتە مایەی بەھێزکردنی ھاوبەشی نێوان روسیا و ئیندۆنیزیا.