سەرۆکی فەرەنسا رایگەیاند، ڤلادیمیر پوتن سەرۆکی روسیا بە بڕیاری ھێرشکردنە سەر ئۆکراین، توشی ھەڵەیەکی مێژوویی بووە.
ئیمانوێل ماکرۆن سەرۆکی فەڕەنسا راگەیاند، لە چەند مانگی رابردوودا نزیکەی ١٠٠ سەعات بە تەلەفۆن لەگەڵ ڤلادیمیر پوتن سەرۆکی روسیا قسەیان کردووە و پێشی راگەیاندووە کە توشی ھەڵەیەکی گەورە و مێژوویی بووە، کە بڕیاریداوە سوپای وڵاتەکەی ھێرش بکاتە سەر ئۆکراین.
ئاماژەی بەوەشکرد، پوتن بەو بڕیارە وڵاتەکەی گۆشەگیر کردووە و بۆ دەربازبوونیش لەو حاڵەتە رێگەیەکی سەختی لەبەردەمدایە.