سوپای پاسدارانی ئێران لە ئاوەکانی کەنداو دەستی بەسەر کەشتییەکی ھەڵگری سوتەمەنیدا گرت.
موجتەبا قارەمانی داواکاری گشتیی پارێزگای ھۆرموزگان رایگەیاند، ھێزی دەریایی سوپای پاسداران لە کەنداو، دەستی بەسەر کەشتییەکدا گرتووە کە ھەڵگری ٤٢ ھەزار لیتر سوتەمەنی قاچاخ بووە و کارمەندانی کەشتییەکەش کە لە چوار کەس پێکھاتوون، دەستبەسەر کراون و بۆ لێکۆڵینەوە رەوانەی ناوەندە ئەمنییەکان کراون.
داواکاری گشتیی ھۆرموزگان ھیچ ئاماژەیەکی بە ناسنامەی کەشتییەکە و سەرنشینەکانی نەکردووە.