یوفا یانەی مانچستەر سیتی سزادا

2022-05-14   |  
فۆتۆ: 
کوردسات نیوز
بەھۆی رووداوەکانی یارییەکەی قۆناغی چارەکی کۆتایی چامپیۆنز لیگ بەرامبەر یانەی ئەتلەتیکۆ مەدرید ئیسپانی، یەکێتی تۆپی پێی ئەوروپا بە شێوەیەکی رەسمی سزای یانەی مانچستەر سیتی ئینگلیزیدا .

لە یاریی گەڕانەوەدا لە ناو یاریگای واندا میترۆپۆلیتانۆ و لە کۆتا ساتەکەندا شەڕ و دەمەقاڵێی توند لە نێوان یاریزانانی مان سیتی و ئەتەلەتیکۆ مەدرید روویدا، ئەوەش دوای ئەوەی ساڤیچی بەرگریکاری ئەتلەتیکۆ بە کارتی سور کرایە دەرەوە.

لەو بارەیەوە سایتی رەسمی یوفا بەیاننامەیەکی بڵاو کردووەتەوە و تیایدا ئەوە خراوەتە ڕوو کە یانەی مانچستەر سیتی بەھۆی ئەو رووداوانەوە و کۆنترۆڵ نەکردنی یاریزانەکانیانەوە، بەبڕی ١٤ ھەزار یۆرۆ غەرامە کراون، بەڵام یانەی ئەتلەتیکۆ مەدرید ھیچ سزایەکی بەسەردا نەسەپێنراوە .

یانەی مانچستەر سیتی بە کۆی ئەنجامی ھەردوو یارییەکەی بەرامبەر ئەتلەتیکۆ مەدرید بە گۆڵێکی بێ وەڵام سەرکەوتنیان نوسیەوە و دواتر لە قۆناغی پێش کۆتاییدا بە یانەی ریاڵ مەدرید دۆڕان .

 


 زۆرترین خوێندراو