ئەنجومەنی نوێنەرانی ئەمریکا پرۆژە بڕیارێکی بۆ ھاوکاریکردنی ئۆکراین بە بڕی ٤٠ ملیار دۆلار پەسەندکرد .
پرۆژە بڕیارەکە بە دەنگی ٣٦٨ ئەندامی ئەنجومەنی نوێنەرانی ئەمریکا پەسەندکرا و ھاوکارییەکان بڕی ٢٠ ملیار دۆلار بۆ بواری سەربازیی و زیاتر لە ٨ ملیار دۆلار وەک ھاوکاری ئابوری و ٣ ملیار دۆلار بۆ ھاوکاری مرۆیی و ٥٠٠ ملیۆن دۆلار بۆ ئاسایشی خۆراک تەرخان دەکرێت .
لە رۆژانی داھاتووشدا پرۆژە بریارەکە ئاراستەی ئەنجومەنی پیران دەکرێت بۆ پەسەند کردنی .
ئەوە لە کاتێکدایە جۆ بایدن سەرۆکی ئەمریکا داوای لە کۆنگرێس کردبوو بریاری ھاوکاریکردنی ئۆکراین بە بڕی ٣٣ ملیار دۆلار پەسەند بکات .