کازمی: بڕیاری گۆڕینی بەھای دۆلار تەنیا بڕیاری حکومەتی ئێستا نەبووە

2022-04-30   |  
کازمی
فۆتۆ: 
کوردسات نیوز
کازمی سەرۆک وەزیرانی عێراق ڕیگەیاند، بڕیاری گۆڕینی بەھای دۆلار تەنیا بڕیاری حکومەتی ئێستا نەبووە.

(مستەفا کازمی)، سەرۆک وەزیرانی عێراق لە چاوپێکەوتنێکی لەگەڵ رۆژنامەی سەباح رایگەیاند: بڕیاری بەرزکردنەوەی بەھای دۆلار بەرامبەر دینار پلانی چەند ساڵێک لەمەوبەری حکومەتی عێراق بووە و لە کابینەکەی ئەو جێبەجێکراوە، ئەوەش لەسەر بنەمای ئەوەی بەھۆی دابەزینی نرخی نەوت عێراق ڕووبەڕووی کورتھێنانی گەورەی بودجە ببۆوە.

مستەفا کازمی ئەوەشی وت" لە دوو ساڵی رابردوودا توانیویانە رەوشی ئابوری لەسەر ئاستی وڵاتانی عەرەبی پێشبخەن، بڕیارە ئابورییەکانیشیان ھیچ ئامانجێکی سیاسی یان بانگەشەی ھەڵبژاردنی لە پشتەوە نەبووە، (مستەفا کازمی) نەیشی شاردووەتەوە کە جێبەجێکردنی وەرەقەی سپی چاکسازی حکومەت لەبەردەم ئاستەنگیدایە.