دادگای پێداچوونەوەی هەرێمی كوردستان، سزای بكوژی خواناس وریا گەنجە شانۆكارەكەی قەزای چەمچەماڵ لە زیندانی هەتاهەتاییەوە بۆ لەسێدارەدان گۆڕی.

سەرچاوەیەك لە كەسوكاری خواناس وریا بە كوردسات نیوزی راگەیاند، لەسەر داوای خۆیان، دادگای پێداچوونەوەی هەرێمی كوردستان پێداچوونەوەی بۆ دۆسییەی كوشتنی خواناس وریا كردووە و سەرەنجام، ماددەی سزادانی بكوژی خواناسی لە تیرۆرەوە گۆڕاوە بۆ كوشتن، بەوپێیەی بكوژ لەكاتی رۆژدا و بە بەرچاوی هاووڵاتیانەوە تاوانەكەی ئەنجامداوە، بەوهۆیەشەوە سزای ناوبراو لە زیندانی هەتاهەتاییەوە گۆڕدراوە بۆ لەسێدارەدان.

ئەوەشی خستەڕوو، بە پشتبەستن بە بڕیارەكەی دادگای پێداچوونەوە، دادگای سلێمانی ئاماژەی بەوەكردووە سزای بكوژی خواناس لە زیندانی هەتاهەتاییەوە دەگۆڕن بۆ لەسێدارەدان.

ئێوارەی رۆژی ٢٢ـی حوزەیرانی ساڵی رابردوو، خواناس وریا كە گەنجێكی شانۆكاری تەمەن ٢٥ ساڵ بوو، لەناوبازاڕی قەزای چەمچەماڵ، لەلایەن ماتۆڕسوارێكەوە دەسترێژی گولـلەی لێكراو و كوژرا، دواتریش لە ماوەیەكی كەمدا بكوژەكەی دەستگیركرا.

بڕیارە سبەینێ قۆناغی سێهەمی سەرژمێری گشتی لە هەرێمی کوردستان دەستپێبکات و بژمێرەکان زیاتر لە ٧٠ پرسیار لە هاووڵاتیان دەکەن، سەرۆکی دەستەی ئاماری هەرێمی کوردستانیش دەڵێت، "ئەمە چەقی پڕۆسەی سەرژمێرییە".

سەرژمێری گشتی لە هەرێمی دوای ئەنجامدانی دوو قۆناغ، لە سبەینێ شەممەوە ٣٠ـی ١١ـی ٢٠٢٤، قۆناغی سێیەم و کۆتایی دەستپێدەکات و پرسیار لە هاووڵاتیان دەکرێت سەبارەت بە وردەکاری ژیانیان.

پێشتریش سیروان محەمەد سەرۆکی دەستەی ئاماری هەرێمی کوردستان بە کوردسات نیوزی راگەیاندبوو، پڕکردنەوەی فۆڕمەکە زۆر گرنگە و بە چەقی پڕۆسەی سەرژمێری دادەنرێتدادەنرێت.

ئەو پرسیارانەی کە بژمێرەکان دەیکەن بریتین لە؛

قوباد تاڵەبانی، جێگری سەرۆکوەزیرانی هەرێم لە هەولێر لەگەڵ جەلال شێخ ناجی، سەرۆکی ئاژانسی پاراستن و زانیاری / زانیاری ، هیوا ئەحمەد سەرۆکی دەزگای ئاسایشی هەرێم کۆبووەوە .

لەکۆبوونەوەکەدا جەخت لە گرنگی پەیوەندی و هەماهەنگی بەردەوامی نێوان دەزگا هەوڵگری، ئەمنی و سەربازییەکان و یەکخستنی هەوڵەکانیان کرایەوە لە پێناو پاراستنی ئاسایش و ئارامی هەرێم.

سەرۆکی ئاژانسی پاراستن و زانیاری / زانیاری و سەرۆکی دەزگای ئاسایشی هەرێم لەبارەی ئەرک و بەرپرسیارێتییەکانیان لەم قۆناغەدا روونکردنەوەی وردیان پێشکەش بە جێگری سەرۆکوەزیران کرد. 

لەبەرامبەردا قوباد تاڵەبانی سوپاسی بێپایانی ئاڕاستە سەرۆک و ئەفسەران و کارمەندانی ئاژانسی پاراستن و زانیاری / زانیاری و دەزگای ئاسایشی هەرێمی کرد لەپای  رۆڵ و ماندوبوون و قوربانیدان شەونخونیان  بۆ شکستپێھێنانی پیلانی تیرۆرستان و دەستەبەرکردنی ئارامیی و رایگەیاند لەبەرامبەر  ئاسایشی هەرێمەکەمان و پاراستنی سەروماڵی خەڵک دەبێت دەزگا ئەمنییەکانمان چاوپۆشی لە سەرپێچیکاران و پێشێلکارانی قانون نەکەن  و هەر تۆمەتبارێک دادگا داوای دەکات راپێچی بەردەم دەسەڵاتی دادوەری بکەن و بە توندترین شێوەش رووبەڕووی  ئەوانە ببنەوە کە دەبنە هۆی تێکدانی ژیانی خەڵک.

هەر لە کۆبوونەوەکەدا چەند پرسێکی تری ئەمنی گفتوگۆیان لەبارەوەکراو جەخت لەبەردەوامی هەوڵەکان  و بەهێزترکردنی پەیوەندی لەگەڵ دەزگا ئەمنییەکانی عیراق کرایەوە بۆ سەرخستنی باشتری پرۆسە ئەمنی و هەواڵگرییەکان و پاراستنی سەقامگیری لە وڵاتدا