ھادی عامری داوا لە لایەنەکان دەکات ناکۆکییەکانیان تێبپەڕێنن
کوردسات نیوز
(ھادی عامری) سەرۆکی ھاوپەیمانی فەتح، داوا لە لایەنە سیاسیەکان دەکات کۆتایی بە ناکۆکییەکانیان بھێنن.
(ھادی عامری) سەرۆکی ھاوپەیمانی فەتح، لە پەیامێکدا ئاماژەی بەوەکرد، پێویستە بە جێبەجێکردنی یاسا و ڕووبەڕووبوونەوەی ئاژاوە و گەندەڵی، شکۆ بۆ عێراق بگەڕێننەوە، ( عامری) داواشی لە سەرجەم لایەنە سیاسیەکان کرد، بە لێکتێگەیشتن ناکۆکییەکانی نێوانیان تێبپەڕێنن.
بەھۆی ئەنجامەکانی ھەڵبژاردنی پێشوەختی ئەنجومەنی نوێنەرانی عێراقەوە، ناکۆکی لە نێوان چوارچێوەی ھەماھەنگی شیعە و ڕەوتی سەدر دروستبووە، موقتەدا سەدر سوورە لەسەر پێکھێنانی حکومەتێکی زۆرینەی نیشتیمانی، کە ئەوە بە لای چوارچێوەی ھەماھەنگی شیعەوە قبوڵکراو نییە.
|