موقتەدا سەدر: نابێت لە ڕێی عێراقەوە ھێرش بکرێتە سەر وڵاتانی دراوسێ
کوردسات نیوز
موقتەدا سەدر پەیامێکی بڵاوکردەوە و راگەیاند، پەلکێش کردنی عێراق بۆ جەنگێکی ھەرێمی بە تەواوی رەتدەکەنەوە.
موقتەدا سەدر رابەری رەوتی سەدر رایگەیاند، نابێت لەڕێی عێراقەوە ھێرش بکرێتە سەر وڵاتانی دراوسێ و ناوچەکە و پەلکێش کردنی عێراق بۆ جەنگێکی ھەرێمی بە تەواوی رەتدەکەنەوە.
وتیشی، پێویستە حکومەت بە جدی مامەڵە لەگەڵ پەلامارەکان بکات و بە دانوستان کێشەکان لەگەڵ وڵاتانی ھەرێمی چارەسەر بکرێن نەک بە توندوتیژی.
سەدر ئاماژەی بەوەشکرد، عێراق پێویستی بە ئاشتی و سەروەری ھەیە دوور لە فەرمانی دەرەکی و نابێت پیرۆزی عێراق و گەلەکەی روبەڕووی مەترسی ببنەوە.
|