کۆمپانیاکانی کۆکردنەوەی خۆڵ و خاشاک لە سلێمانی کارەکانیان راگرتووە
کوردسات نیوز
چوار مانگە حکومەتی ھەرێم پارەی کۆمپانیاکانی کۆکردنەوەی خۆڵ و خاشاکی لە سلێمانی خەرجنەکردووە و دوو کۆمپانیاش ماوەی سێ رۆژە کارەکانیان راگرتووە.
نزار کەمال لێپرسراوی خزمەتگوزارییەکانی شارەوانی سلێمانی راگەیاند، سلێمانی کراوە بە پێنج زۆنەوە و رۆژانە لەلایەن سێ کۆمپانیای کەرتی تایبەتەوە بڕی ھەزار بۆ ھەزار و ١٠٠ تۆن خۆڵ و خاشاک کۆ دەکرێتەوە، بەڵام ماوەی چوار مانگە لەلایەن حکومەتەوە پارەی ئەو کۆمپانیایانە خەرج نەکراوە و دوو کۆمپانیا کارەکانیان راگرتووە.
وتیشی، ئەگەر لەماوەی چەند رۆژی داھاتوودا ئەو گرفتە چارەسەر نەکرێت، رێژەیەکی زۆر خۆڵ و خاشاک لەگەڕەک و کۆڵانەکاندا کۆدەبێتەوە.
|