لایەنێک خۆی لە لایەنگرەکانی لە کەرکوک بێبەری کردووە

13/10/2021
فۆتۆ: 
کوردسات نیوز

ئەندامانی سەرکردایەتی یەکێتی نیشتمانی کوردستان لە کەرکوک رونکردنەوە لە بارەی رەوشی شارەکەوە دەدەن و ئاماژەی بۆ ئەوە دەکەن، راگەیاندنی باری نائاسایی لە ھەندێک ناوچەی کەرکوک جێگەی قبوڵ نییە.

خالید شوانی ئەندامی سەرکردایەتی یەکێتی نیشتمانی کوردستان لە کۆنفرانسێکی رۆژنامەوانیدا رایگەیاند، راگەیاندنی باری نائاسایی لە ھەندێک ناوچەی کەرکوک جێگەی قبوڵ نییە.
وتیشی، لایەنێک خۆی لە لایەنگرەکانی بێبەری کردووە و بافڵ تاڵەبانی لەسەر رەوشی کەرکوک لەگەڵ مستەفا کازمی قسەی کردووە.


خالید شوانی راشیگەیاند، ئەو رەوشەی کەرکوک لای یەکێتی قبوڵکراو نییە و چاوەروانین ئەو گەنجانەی دەستگیرکراون بەزووترین کات ئازاد بکرێن.


لای خۆشیەوە رێبوار تەھا ئەندامی سەرکردایەتی یەکێتی راگەیاند، کوردی کەرکوک سەر بە ھەر لایەنێک بێت نابێت مامەڵەی خراپی لەگەڵ بکرێت و بافڵ تاڵەبانی داوای کردووە بەزووترین کات ئازاد بکرێن.