مەڵبەندی سێی ھەولێری یەکێتی ھەوڵی لەکارخستنی کارتی دەنگدان ئاشکرا دەکات
مەریوان عەبدوڵا
مەڵبەندی سێی ھەولێری یەکێتی ھەوڵی لەکارخستنی کارتی دەنگدان ئاشکرادەکات و داوا لە دەنگدەرانی تایبەت دەکات، کارتەکانیان جگە لە کارمەندانی کۆمیسیۆن پیشان کەسانی دیکە نەدەن.
مەڵبەندی سێی ھەولێری یەکێتیی نیشتمانیی کوردستان لە راگەیەنراوێکدا ئاماژەی بەوەکردووە، سبەینێ ھەندێک کەسی راسپێردراو بە ناوی یارمەتیدان و کارئاسانی لەبەردەم بنکەکانی دەنگدان، خۆیان لەدەنگدەران نزیک دەکەنەوە بە ئامانجی تێکدان و شوخت دروستکردن لە کارتی دەنگدان.
ئاماژە بەوەشکراوە؛ ھەر شوخت و بریندارکردنێکی سیمی سەر کارتی دەنگدان دەبێتە ھۆی لەکارکەوتنی کارتی دەنگدان و بەوەش خاوەنی کارتەکە ناتوانێت دەنگ بدات و لە دەنگدان بێبەش دەبێت.
مەڵبەندی یەکێتی داوای لە دەنگدەران کردوە تەنھا کارمەندی کۆمیسیۆن کە باجی رەسمی پێ بێت، بۆی ھەیە کارتی دەنگدان وەربگرێت بە مەبەستی دڵنیابوون لە خاوەنی کارتەکە و بەپێچەوانە کەسی دیکە بۆی نییە بە ھیچ پاساوێک لەبەردەم بنکەکانی دەنگدان ئەو کارتە لە دەنگدەران وەربگرێت.
|