ئەمریکا زیاتر لە ھەزار پارچە شوێنەواری رادەستی مەسعود پزیشکیان کردەوە
مەریوان عەبدوڵا
ئەمریکا زیاتر لە ھەزار پارچە شوێنەواری بۆ ئێران گەڕاندنەوە کە بۆ سەردەمی ئیمپڕاتۆریەتی ئەخمینییەکان دەگەڕێتەوە.
ئاژانسی ئێرنای ئێران رایگەیاند، لێپرسراوانی ئەمریکا لە نیویۆرک دوای کۆبوونەوەی کۆمەڵەی گشتی نەتەوە یەکگرتووەکان ھەزار و ١٠٠ پارچە شوێنەواری رادەستی مەسعود پزیشیکیان سەرۆکی ئێران کردەوە.
دەشڵێت، ئەو پارچە شوینەوارانە بۆ سەردەمی ئیمپڕاتۆریەتی ئەخمینییەکان دەگەڕێتەوە کە لە سەدەی شەشی پێش زایینی بوون لە باشوری ئێران و ئەمەش شەشەمین کاروانی شوێنەوارە کە ئەمریکا رادەستی ئێرانی دەکاتەوە.
وتیشی، شوێنەوارەکان لەلایەن زانکۆی شیکاگۆوە ڕادەستی ئێران کراونەتەوە کە لە ساڵی ١٩٣٠ زانکۆکە لەکاتی کنە و پشکنیندا نزیکەی ٣٦٠ ھەزار تابلۆ و پارچەی تابلۆی مێژووی بەمەبەستی لێکۆڵینەوە لەگەڵ خۆیدا بردوە بۆ ئەمەریکا.
|