سوپای عیراق بۆردومانێکی ئاسمانی بۆ سەر مۆڵگەکانی داعش لە پردێ ئەنجامدا
مەریوان عەبدوڵا
سوپای عیراق بۆردوومانێکی ئاسمانی بۆ سەر مۆڵگەکانی داعش لە پردێ ئەنجامدا و ھێزە ھاوبەشەکانی روبەڕوبوونەوەی تیرۆر و سوپاش ئۆپراسیۆنێکی ئەمنییان لە باکوری رۆژئاوای کەرکوک دەستپێکرد.
سەرچاوە ئەمنییەکان بڵاویانکردەوە، فڕۆکە جەنگییەکانی سوپای عیراق لە جۆری ئێف ١٦ بۆردوومانی دەوروبەری چەند گوندێکیان لە گوندی عەتشانە لەسنوری پردێ کردووە، کە ٦٥ کیلۆمەتر لە باکوری رۆژئاوای کەرکوکەوە دوورە، بۆردوومانەکەش مۆڵگە و شوێنی ئەو تیرۆریستانەی کردووەتە ئامانج و ژمارەیەکیان لەناوبراون.
ھاوکات بەپێی زانیاری سەرچاوە ئەمنییەکان، ھێزێکی ئەمنی ھاوبەش لە روبەڕوبوونەوەی تیرۆری عیراق و سوپای عیراق، ھەڵمەتێکی ئەمنی فراوانیان دەستپێکردووە، بۆ لەناوبردنی تیرۆریستانی داعش لە ناوچەکە، ھەڵمەتەکە تا ئێستا بەردەوامە و ھێشتا ئەنجامەکانی نەخراونەتەڕوو.
|