تەندروستیی عیراق نزیکەی یەک تۆن ماددەی ھۆشبەری لە ناوبرد
مەریوان عەبدوڵا
وەزارەتی تەندروستیی عیراق نزیکەی یەک تۆن ماددەی ھۆشبەر و زیاتر لە ھەشت ملیۆن حەبی ھۆشبەری لەناوبرد.
سەیف بەدر وتەبێژی وەزارەتی تەندروستی عیراق رایگەیاند، لەماوەی رابردودا لە ٢٢ شوێن پشکنینی تایبەتیان بە دەرخستنی بەکارھێنانی ماددەی ھۆشبەریان بۆ خوێندکاران و فەمانبەرانی دامەزراوی حکومەت ئەنجامداوە.
راشیگەیاند، شەش ھەزار و ٤٢٠ ئالودەبوو و بەکارھێنەری ماددە ھۆشبەرەکانیش لە ناوەندە تایبەتمەندەکان بەو بوارە لەلایەن کەسانی پسپۆڕ و شارەزاوە چارەسەری پێویستیان بۆ کراوەو تائێستاش بەشێکی زۆریان بە تەواوی لەو نەخۆشییە کوشندەیە رزگاریان بووە.
وتیشی، لەماوەی رابردوودا، ٩٧٧ کیلۆگرام ماددەی ھۆشبەر و ھەشت ملیۆن و ٢٥ ھەزار و ٦٣٣ حەب و چوار ھەزار و ١٤٥ ئیمپولی ماددەی ھۆشبەریان لەناوبردووە.
|