لە کۆبوونەوەی ئەنجومەنی وەزیرانی ھەرێم چەند بڕیارێک دران
کوردسات نیوز
ئەنجومەنی وەزیرانی ھەرێمی کوردستان کۆبۆوە و بڕیاردا بە گۆڕینی قەزاکانی سۆران و زاخۆ بۆ دوو ئیدارەی سەربەخۆ.
جوتیار عادل وتەبێژی حکومەتی ھەرێمی کوردستان لە دوای کۆبوونەوەی ئەنجومەنی وەزیران لە کۆنفرانسێکی رۆژنامەوانیدا رایگەیاند، ئەنجومەنی وەزیران لە کۆبوونەوەی ئەمڕۆیدا گفتوگۆی لەبارەی ھەڵگرتنی چەکی بێ مۆڵەت کردووە، دیاردەی چەکی بێ مۆڵەت لە ئاستێکی مەترسیداردایە و پێویستە ئەو پرسە لە ژێر کۆنترۆڵی وەزارەتی ناوخۆدا بێت.
وتیشی، پێشنیازی گۆڕینی قەزاکانی سۆران و زاخۆیان بۆ ئیدارەی سەربەخۆ پەسەندکردووە.
راشیگەیاند، پڕۆسەی چاکسازی بەردەوام دەبێت و لە دانوستانەکانیش لەگەڵ بەغداد ئەنجامی باشیان ھەبووە و ھیوادارن ناردنی ٢٠٠ ملیار دینارەکە لە بەغدادەوە بۆ ھەرێم بەردەوام بێت.
لەبارەی کۆرۆناشەوە وتی، ٤٠٠ ھەزار دۆزی ڤاکسین لەبەردەستە.
|