سەرۆك کۆمار پێشوازی لە ئەمینداری گشتیی بزوتنەوەی بابلیون دەکات
مەریوان عەبدوڵا
د.لەتیف رەشید سەرۆك کۆماری عیراق، ئەمڕۆ لە بەغداد پێشوازی لە رەیان کلدانی ئەمینداری گشتیی بزوتنەوەی بابلیون کرد.
لە دیدارەکەدا باس لە رەوشی گشتیی سیاسی و ئابووریی وڵات کرا و سەرۆک کۆمار ئاماژەی بە گرنگی یەکخستنی ریزەکان و پێکەوەکارکردنی سەرجەم ھێز و لایەنە سیاسییەکان کرد بۆ چەسپاندنی سەقامگیریی لە بوارە جیاجیاکان و پێشکەشکردنی باشترین خزمەتگوزاری بە ھاووڵاتیان.
لەلایەن خۆیەوە رەیان کلدانی سوپاس و پێزانینی خۆی بۆ سەرۆک کۆمار دەربڕی و جەختیکردەوە، بزوتنەوەی بابلیون پاڵپشتی ھەر کارێک دەکات ببێتەمایەی پتەوکردنی بنەمای دیموکراسی و سەقامگیری لە عێراقدا.
|