محەمەد حەلبوسی لەگەڵ لیژنەی دارایی ئەنجومەنی نوێنەران لەکۆبوونەوەدایە
کوردسات نیوز
لیژنەی دارایی ئەنجومەنی نوێنەرانی عێراق بە سەرۆکایەتی محەمەد حەلبوسی سەرۆکی ئەنجومەنی نوێنەرانی عێراق لە کۆبوونەوەدایە، بە مەبەستی گفتوگۆکردن لە بارەی ئەو برگە و بابەتانەی پرۆژەی بودجە کە یەکلایی نەکراونەتەوە.
راگەیاندنی ئەنجومەنی نوێنەرانی عێراق رایگەیاندووە، لە کۆبوونەوەکەدا ھەموان بە شێوەیەکی سەرەتایی گەیشتن بەو دیدەی کە پرۆژەکە بەرز بکرێتەوە بۆ سەرۆکایەتی ئەنجومەنی نوێنەران و وادەی دانیشتن بۆ دەنگدان لەسەر پرۆژەکە دیاریبکرێت.
ھاوکات نەرمین مەعروف ئەندامی لیژنەی دارایی بە کوردسات نیوزی راگەیاند، مادەکانی ١٣ و ١٤ کە پەیوەستن بە شایستە داراییەکانی ھەرێمی کوردستانەوە یەکلایی نەکراونەتەوە و گفتوگۆکردن لە بارەیانەوە بەردەوامە.
|