سەرۆک بافڵ پرسەنامەیەکی بەبۆنەی کۆچی دوایی خاتوو خەدیجە رەسوڵ بڵاوکردەوە

24/05/2023
فۆتۆ: 
کوردسات نیوز

بافڵ جەلال تاڵەبانی، سەرۆکی یەکێتیی نیشتیمانیی کوردستان، بەبۆنەی کۆچی دوایی خاتوو (خەدیجە رەسوڵ پیرداود)، پرسەنامەیەکی ئاراستەی خانەوادەی کۆچکردوو کرد و رایگەیاند، بۆ ئەم خەمە گەورەیە پرسە و هاوخەمی قووڵی خۆمانرادەگەیەنین.

دەقی پرسەنامەکەی سەرۆک بافڵ جەلال تاڵەبانی:

بەڕێز کاک سیروان مامۆستا مەلا محەمەد بەحرکەیی

بەداخێکی زۆرەوە هەواڵی کۆچی دوایی خاتوو (خەدیجە رەسوڵ پیرداود)، دایکی بەڕێزتان و خێزانی کەسایەتی دیار و تێکۆشەری کۆچکردوو مامۆستا مەلا محەمەد بەحرکەییم پێگەیشت .
بۆ ئەم خەمە گەورەیە پرسە و هاوخەمی قووڵی خۆمان ئاڕاستەی ئێوە و بنەماڵە تێکۆشەرەکەتان دەکەم کە نموونەی خەبات و قوربانیدانن لەپێناو کوردستان.
لە خوای گەورە داواکارم کۆچکردوو بە بەهەشتی بەرین شاد بکات و سەبووری بە هەموولایەک ببەخشێت.


دڵسۆزتان 
بافڵ جەلال تاڵەبانی 
سەرۆکی یەکێتیی نیشتمانیی کوردستان