لیژنەی دارایی دەنگیدا لەسەر زۆربەی ماددەکانی پڕۆژەیاسای بودجە

18/05/2023
فۆتۆ: 
کوردسات نیوز

لیژنەی دارایی ئەنجومەنی نوێنەرانی عێراق، دەنگی لەسەر زۆربەی ماددەکانی پڕۆژە یاسای بودجەی داوە راشیدەگەیەنێت، گەیشتوون بە قۆناغەکانی کۆتایی بۆ یەکلاییکردنەوەی پڕۆژە یاسای بودجە.

لیژنەی دارایی ئەنجومەنی نوێنەرانی عێراق بۆ جاری ٤٦م بۆ گفتوگۆکردن لەبارەی پڕۆژە یاسای بودجەی ساڵانی ٢٠٢٣ و ٢٠٢٤ و ٢٠٢٥ی عێراق کۆبووەوە و دەنگیدا لەسەر زۆرینەی بڕگە و ماددەکانی پڕۆژە یاساکە.

ھەر لە کۆبوونەوەکەدا عەتوان عەتوانی سەرۆکی لیژنەی دارایی رایگەیاند، لیژنەکەیان گەیشتووە بە قۆناغی کۆتایی بۆ یەکلاییکردنەوەی پڕۆژە یاسای بودجەی گشتی.

پڕۆژە یاسای بودجەی ساڵانی ٢٠٢٣، ٢٠٢٤، ٢٠٢٥ی عێراق، چەند لە ئەنجومەنی نوێنەرانە و خوێندنەوەی یەکەم و دووەمی بۆ کراوە و ئێستا لە لیژنەی دارایی وردبینی بۆ ماددەکانی دەکات، چاوەڕوانیش دەکرێت ھەفتەی داھاتوو لە ئەنجومەنی نوێنەران دەنگی لەسەر بدرێت.