فراکسیۆنی تەقەدوم بە حەوت مەرج دەنگ بە پڕۆژەیاسای بودجە دەدات
کوردسات نیوز
فراکسیۆنی "تەقەدوم" بە سەرۆکایەتی محەمەد حەلبوسی سەرۆکی ئەنجومەنی نوێنەران رایگەیاند، بە مەرج دەنگ بە پڕۆژەیاسای بودجەی عێراق دەدەن.
نەورەس مەحمود عیسا ئەندامی ئەنجومەنی نوێنەرانی عێراق لە فراکسیۆنی تەقەدوم رایگەیاند، حەوت مەرجیان دیاریکردووە بۆ دەنگدان بە پڕۆژەیاسای بودجە و داوادەکەن، دادپەروەری پەیڕەوبکرێت و دەرچووانی پەروەردە دابمەزرێن، ھەروەھا وەقفی سونی بودجەی تایبەت بە خۆی ھەبێت و ھەڵگرانی بڕوانامەی زانکۆ لە وەزارەتەکانی بەرگری و ناوخۆ بۆ کاری مەدەنی وەربگیرێن. ھەروەھا گرەنتی مافی ئەندازیاران بکرێت و دەرفەتی کاری گونجاویان بۆ بڕەخسێت.
ئەو ئەندامەی ئەنجومەنی نوێنەرانی عێراق لە فراکسیۆنی تەقەدوم، بەرپرسیارێتی جێبەجێکردنی ئەو داواکارییانەی خستە ئەستۆی وەزارەتی دارایی عێراق و ھۆشداریدا لەوەی ھەڵوێستی تریان دەبێت، ئەگەر داواکاری گەل و مافەکانیان پشتگوێ بخرێن.
|