بانکی ناوەندی بڕی فرۆشی دۆلار بە کۆمپانیاکانی ئاڵوگۆڕی دراو زیاد دەکات

02/03/2023
فۆتۆ: 
کوردسات نیوز

بانکی ناوەندی عێراق، بڕیاریدا بڕی نەختینەی دۆلار کە ھەفتانە تەرخانی کردووە بۆ کۆمپانیاکانی ئاڵوگۆڕی دراو، زیادی بکات بۆ دوو ملیۆن دۆلار.

بانکی ناوەندی عێراق لەبارەی زیادکردنی بڕی خستنەڕووی نەختینەی دۆلار نوسراوێک ئاراستەی کۆمپانیاکانی ئاڵوگۆڕی دراو گروپی ( ئەی) کردووەو رایگەیاندوە، لە روانگەی ئامانجەکانی بۆ سەقامگیری لە بەھای فرۆش و جێبەجێکردنی داواکارییەکان لەسەر دراوی بیانی لە بازاڕی ناوخۆدا ، بڕیاریداوە  بڕی ھەفتانەی نەختینەی دۆلاری تەرخانکراو کۆمپانیاکانیان زیاد بکات بۆ ٢ ملیۆن دۆلار.

بانکی ناوەندی داواشیان لێدەکات لە رۆژی یەکشەممەوە داواکارییەکانیان پێشکەش بکەن.

بانکی ناوەندی راشیگەیاندوە، بۆ تۆمارکردنی زانیارییەکانیان لەبارەی  فرۆشی رۆژانەی نەختینە  پشت بە سەکۆی ئەلکترۆنی ببەستن و ھەر کۆمپانیایەک پشت بە سەکۆی ئەلکترۆنی نەبەستێت بۆ تۆمارکردنی زانیارییەکانی بێبەش دەبێت لە پشکی ھەفتانەی لە دۆلار.