لە ھێرشێکی سوپای ئیسرائیلدا چوار ھاوڵاتی فەڵەستینی بریندار بوون

کوردسات نیوز

لە ئاکامی رووبەربوونەوەی سوپای ئیسرائیل و فەلەستینییەکان لە کەمپی عەقەبە جەبر لە ناوچەی ئەریحا لە کەناری خۆرئاوا ٤ فەلەستینی بریندار بوون.

بەپێی سەرچاوەکانی ھەواڵ، بەرەبەیانی ئەمرۆ و لە ماوەی ٢٤ سەعاتدا بۆ جاری دوەم سوپای ئیسرائیل ھێرشی کردوەتە سەر ئەریحا و رووبەروبوونەوەی چەکداری دروست بووە، سوپای ئیسرائیل سێ ھاوڵاتی فەلەستینی دەستگیر کردوە کە ھەموویان ئەندامی یەک خێزانن.

سوپای ئیسرایل ماوەی ھەفتەیەکە گەمارۆی سەربازیی خستوەتە سەر ئەریحا و ھەموو دەروازەکانی داخستووە.