باڵیۆز د. محەمەد سابیر و هادی عامری لە بەغداد کۆبوونەوە
کوردسات نیوز
د. محەمەد سابیر، سەرۆکی دامەزراوەی سەرۆک جەلال تاڵەبانی وەفدی یاوەری لە بەغداد لەگەڵ هادی عامری، سەرۆکی هاوپەیمانیی فەتح کۆبووەوە.
لە سەرەتای کۆبوونەوەکەدا د. محەمەد سابیر ئامانجی سەردانی وەفدی چەند ڕۆژەی دامەزراوەی سەرۆک جەلال تاڵەبانی بۆ هادی عامری روونکردەوە و پاشان باسی لە پێویستیبوونی دامەزراوەکە و گرنگی بۆ ئەم قۆناغە و داهاتووی عێراق و ئامانجەکانی خستەڕوو.
سەرۆکی هاوپەیمانیی فەتح خۆشحاڵی خۆی بە هاتنی وەفدی میوان دەربڕی و دڵخۆشی خۆی نیشاندا بۆ دامەزراندنی ئەم دامەزراوەیە بەناوی سەرۆک مام جەلالەوە.
هادی عامری لە بەشێکی تری دیدارەکەدا باسی لە ڕۆڵی سەرۆک مام جەلال لە گۆڕەپانی عێراق و سەپاندنی شوێن پەنجەی ئاشتی بە سەرجەم کایە و پێگەکان لە دامەزراوە عێراقییەکاندا، باسی لەوەشکرد پێویستە سەدان توێژینەوە لەسەر کار و خزمەتە حزبی و کارگێڕییەکان بکرێت کە کەسایەتییەکە دووبارەبوونەوەی نییە لە جیهاندا، نموونەی سیاسییەکی کەم وێنە بووە لەپێناو خزمەتی گشتیدا دەستبەرداری بەرژەوەندییە کەسییەکانی بووە.
هادی عامری لە کۆتایی دیدارەکەدا پشتیوانی، هاوکاریی تەواوی خۆی بۆ دامەزراوەی سەرۆک جەلال تاڵەبانی دەربڕی.
|