ژمارەیەک بەرپرسی باڵای ئۆکراین دەستیان لەکارکێشایەوە
کوردسات نیوز
ژمارەیەک بەرپرسی باڵای ئۆکراین کە جێگری وەزیری بەرگرییشی تێدایە، بەھۆی چەند دۆسیەیەکی گەندەڵییەوە دەستیان لەکارکێشایەوە.
ئاژانسی فرانس پرێسی فەڕەنسی بڵاویکردەوە، ئەمڕۆ ھەریەکە لە جێگری وەزیری بەرگری و یاریدەدەری بەڕێوەبەری فەرمانگەی سەرۆکایەتی و جێگری داواکاری گشتیی ئۆکراین دەستیان لەکارکێشاوەتەوە.
راشیگەیاند، دەست لەکارکێشانەوەی ئەو بەرپرسانەی ئۆکراین پەیوەندی بە دۆسێیەکی گەندەڵییەوە ھەیە، کە پێداویستی و خواردەمەنییان بە نرخێکی خەیاڵی بۆ سوپای وڵاتەکەیان کڕیووە.
لەلایەکی ترەوە، دێنیس شمیگال سەرۆک وەزیرانی ئۆکراین رایگەیاند، بە تۆمەتی وەرگرتنی بەرتیل، فەرمانیکردووە بە دوورخستنەوەی وەزیری گەشەپێدانی شار و ھەرێمەکان لە پۆستەکەی.
لە چەند رۆژی رابردوودا میدیاکانی ئۆکراین، دۆسێی گەندەڵی ژمارەیەک بەرپرسی باڵای حکومەتی وڵاتەکەیان ئاشکراکرد.
|