مستەفا کازمی: نابێت رێگە بدرێت دۆلار ببرێتە دەرەوەی عێراق
کوردسات نیوز
سەرۆک وەزیرانی پێشووی عێراق داوا دەکات رێگری بکرێت لە بردنەوەی دۆلار و چارەسەرێکی گونجاویش بۆ دابەزینی بەھای دینار بدۆزرێتەوە.
مستەفا کازمی سەرۆک وەزیرانی پێشووی عێراق لە راگەیەندراوێکدا ئاماژەی بەوە کردووە، ئەرکی سەرەکی و لە پێشینەی حکومەت پاراستنی ژیان و گوزەرانی ھاوڵاتیانە، لەئێستادا دابەزینی بەھای دیناری عێراقی لە بەرامبەر دۆلار کاریگەری خراپی لەسەر ھاوڵاتییان دروستکردووە و پێویستە لایەنە پەیوەندیدارەکان چارەسەرێکی گونجاو بدۆزنەوە و رێگەش نەدرێت دۆلار ببرێتە دەرەوەی عێراق.
راشیگەیاندوە، پێویستە حکومەتی ئێستای عێراق ئەرکەکانی بە تەواوی جێبەجێ بکات و ھەرچی زووە پێداچوونەوە بە رەوشی دارایی و وڵات و عێراقییەکاندا بکات و ھەوڵبدات بۆ سەقامگیری بەھای دراو.
|