نرخی یەک بەرمیل نەوتی برێنت ٨٠ دۆلاری تێپەڕاند

20/12/2022
فۆتۆ: 
کوردسات نیوز

بەیانی ئەمڕۆ نرخی نەوت گەیشتە سەروو ٨٠ دۆلار، ئەوەش بەھۆی دابەزینی بەھای دۆلار و کڕینی نەوت لەلایەن حکومەتی ئەمریکا بۆ پڕکردنەوەی یەدەگی ستراتیژی.

بەیانی ئەمڕۆ، نرخی یەک بەرمیل نەوتی برێنت ٦١ سەنت رووی لە بەرزبوونەوە کرد و گەیشتە ٨٠ دۆلار و ٤٠ سەنت، نرخی نەوتی تەکساسیش ٦٥ سەنت بەرزبووەو گەیشتە ٧٥ دۆلار و ٨٤ سەنت بۆ بەرمیلێک. 

دابەزینی بەھای دۆلار پاڵپشتی بەرزبوونەوەی نرخی نەوتی کردووە، ھاوکات حکومەتی ئەمریکا رایگەیاندووە، بۆ پڕکردنەوەی یەدەگی ستراتیژی سێ ملیۆن بەرمیل نەوت دەکڕێت، ئەوەش دوای ئەوەی ئەمساڵ نزیکەی ١٨٠ ملیۆن بەرمیلی لەو نەوتە بۆ دابەزینی بەھای نەوت بەکارھێنا، کە ئەو بڕەش ئاستێکی پێوانەییە کە ئەمریکا بڕیاری لەسەربدات.