وەزارەتی پێشمەرگە: تەرمی جوانڕۆی باڵەبان بە دەستبەستراوی لە نزیک دێگەڵە دۆزراوەتەوە
کوردسات نیوز
وەزارەتی پێشمەرگە لەبارەی گیانلەدەستدانی جوانڕۆی باڵەبان راگەیەندراوێکی بڵاوکردەوە و ئاماژەی بەوە کردووە، بەدواداچوون و رێوشوێنی پێویستیان گرتووەتە بەر.
وەزارەتی پێشمەرگە لە راگەیەندراوەکە باسی لەوە کردووە، جوانڕۆ کەریم قادر ناسراو بە جوانڕۆی باڵەبان کارمەندی وەزارەتەکەیان بووە و دوابەدوای بەدواداچوونی یەکە سەبازییەکەی لەگەڵ ھێزە ئەمنییەکان و ئاسایش، تەرمی ناوبراو بە دەستبەستراوی لە نزیک گوندی پەلکەڕەشی نێوان کەسنەزان و دێگەڵە دۆزراوەتەوە.
ئاماژە بەوەش کراوە، وەزارەتی پێشمەرگە بەدواداچوون و رێوشوێنی پێویستی لەبارەی ئەم تاوانەوە گرتووەتەبەر و لە ئێستادا لەلایەن پۆلیسەوە دۆسییەی لێکۆڵینەوەی بۆ کراوەتەوە و چاوەڕێی دەرئەنجامی لیکۆڵینەوەکانن.
|