جارێکی تر نرخی بەنزین لە سلێمانی دادەبەزێت
کوردسات نیوز
جارێکی تر نرخی بەنزین لە سلێمانی دادەبەزێت و بۆ ھەر لیترێک بەنزین ٥٠ دیناری لێدەبێتەوە.
بەھمەن شێخ قادر، وتەبێژی بەنزینخانەکانی سلێمانی بە کوردسات نیوزی راگەیاند، ھەرسێ جۆری بەنزین (سوپەر، موحەسەن و نۆرماڵ ) بۆ ھەر لیترێکی ٥٠ دیناری دیکە لە نرخەکەی دادەبەزێت.
رونیشیکردەوە، نرخی لیترێک بەنزینی سوپەر لە ١٤٠٠ دینارەوە دەبێتە ١٣٥٠ و موحەسەنیش لە ١٢٧٥ دینارەوە دەبێتە ١٢٢٥ و نۆرماڵیش دەبێتە ١٠٢٥ دینار.
ئاماژەی بەوەشکرد، نرخی بەنزین لە سلێمانی لە خوار نرخی بۆرسەوەیە و ئەگەر بەنزین لە دوبەی و ئێران و تورکیاوە ھاوردە بکرێت، نرخەکەی زیاتر دادەبەزێت.
|