قوباد تاڵەبانی پیرۆزبایی لە پارتی دیموکراتی کوردستان دەکات

کوردسات نیوز

قوباد تاڵەبانی جێگری سەرۆکی ئەنجومەنی وەزیران پیرۆزبایی ساڵیادی دامەزرانی پارتی دیموکراتی کوردستان دەکات و رایدەگەیەنێت، ھیوادارە ئەم ساڵیادە ببێتە ھەوێنی پێکەوەژیان و وەلانانی ناکۆکییەکان و رەخساندنی زەمینەی لەبار بۆ گفتوگۆی بنیاتنەرانە لەگەڵ لایەنە سیاسیەکانی تر.

دەقی پەیامەکە...
بەڕێزان سەرۆک و ئەندامانی مەکتەبی سیاسی و سەرکردایەتی و کادرانی پارتی دیموکراتی کوردستان 

بەبۆنەی ساڵیادی دامەزراندنی پارتی دیموکراتی کوردستانەوە گەرمترین پیرۆزباییتان ئاراستە دەکەین و ھیوای سەرکەوتن و پێشکەوتنتان بۆ دەخوازین لەکاروانی خەباتدا بۆ خزمەتکردنی زیاتری گەلەکەمان. 

ھیوادارین ئەم ساڵیادە ببێتە ھەوێنی پێکەوەژیان و وەلانانی ناکۆکیەکان و رەخساندنی زەمینەی لەبار بۆ گفتوگۆی بنیاتنەرانە لەگەڵ لایەنە سیاسیەکانی تری سەر گۆڕەپانی سیاسی وڵاتدا بەئامانجی بەدیھێنانی مافەکان و پاراستنی بەرژەوەندییە باڵاکانی گەلی کوردستان و گەلانی عێراقدا.

دووبارە پیرۆزباییتان لێ دەکەم

قوباد تاڵەبانی 
جێگری سەرۆکی ئەنجومەنی وەزیران