نوێژی ھەینی یەکگرتوو لە بەغداد ئەنجام دەدرێت

کوردسات نیوز

نوێژی ھەینی یەگرتوو لە بەغداد بەڕێوەدەچێت و فەرماندەیی ئۆپراسیۆنەکانیش پلانێک بۆ پاراستنی ھاوڵاتیان و خۆپیشاندەران ئامادە دەکات.

ھاوشێوەی ھەینییەکانی رابردوو، بڕیارە ئەمڕۆش لە گۆڕەپانی ئاھەنگەکان لە بەغداد نوێژی ھەینی یەکگرتوو بەڕێوەبچێت کە زۆرینەیان لایەنی رەوتی سەدرن و دوای نوێژی ھەینیش لەسەر خۆپیشاندانەکانیان بەردەوام دەبن.

فەرماندەیی ئۆپراسیۆنە ھاوبەشەکانی بەغدادیش رایگەیاندووە، کۆبوونەوەیەکی فراوانیان ئەنجامداوە و پلانێکی تۆکمەیان داڕشتووە بە مەبەستی پاراستنی نوێژی ھەینی یەکگرتوو و خۆپیشاندەران.