روسیا کۆنترۆڵکردنەوەی تەواوەتی ھەرێمی لۆھانسکی راگەیاند
کوردسات نیوز
وەزارەتی بەرگری روسیا کۆنترۆڵکردنی تەواوەتی ھەرێمی "لۆھانسک"ی راگەیاند، ئەوەش بە گەورەترین پێشڕەوی روسیا دادەنرێت لەسەرەتای دەستپێکردنی جەنگی ئۆکراینەوە.
"سێرگی شوەیگۆ" وەزیری بەرگری روسیا کۆنترۆڵکردنی تەواوەتی ناوچەی "لۆھانسک"ی لە ھەرێمی "دۆنباس" لەلایەن سوپای روسیا و جودایخوازەکانەوە بە "ڤلادمیر پوتن" سەرۆکی روسیا راگەیاند.
"شوەیگۆ" ئاماژەی بەوەدا، کۆنترۆڵکردنی ناوچەی لۆھانسک دوای کۆنترۆڵکردنەوەی شاری "لیسیشانسک" بوو کە دوایین پێگەی ژێر دەسەڵاتی ھێزەکانی ئۆکراین بوو لە ناوچەکە.
"لۆھانسک" دووەمین گەورەترین شارە لە ھەرێمی دۆنباس لە خۆرھەڵاتی ئۆکراین و ژمارەی دانیشتووانەکەی یەک ملیۆن و ٥٠٠ ھەزار کەسە، لە مانگی شوباتی ئەمساڵیشدا روسیا وەک کۆمارێکی سەربەخۆ دانیپێدانا.
|