وەزیری دەرەوەی ئێران: کۆتای بە گەمارۆکانی ئەمریکا دەهێنین
وەزیری دەرەوەی ئێران حوسەین ئەمیر عەبدوڵایان.
فۆتۆ:
کوردسات نیوز
حسێن ئەمیر عەبدوڵاھیان وەزیری دەرەوەی ئێران رایگەیاند، کۆتایی بە گەمارۆ تاکلایەنەکانی ئەمریکا دێنن.
وەزیری دەرەوەی ئێران رایگەیاند، بە زیرەکی و خۆڕاگری گەل و حکومەتی وڵاتەکەی، توانیویانە لە ھەنگاوی یەکەمدا لە کاریگەری گەمارۆکانی ئەمریکا کەم بکەنەوە و لە ھەمان کاتدا لە بواری پەرەپێدانی زانست و تەکنەلۆژیا بەرەوپێشچوونی باشیان بەخۆیانەوە بینیوە.
ئاماژەی بەوەشکرد، لە دواجاردا گەمارۆ تاکلایەنە و بێ بەزییەکانی ئەمریکا کۆتاییان پێدێـت، چونکە ھیچ پێگەیەکیان لە مافە نێودەوڵەتییەکاندا نییە.
|